سياسة الخصوصية

روندا (Ronda) هي لعبة كارطة مغربية مجانية ف الموقع والتطبيق. المسؤول على المعالجة ديال المعطيات ديالك هو الفريق اللي كيخدم روندا، وتقدر تواصل معاه ف أي وقت: من صفحة التواصل.

كنحترمو القانون المغربي رقم 09-08 المتعلق بحماية الأشخاص الذاتيين تجاه معالجة المعطيات ذات الطابع الشخصي، وكنطبقو نفس المبادئ ديال القانون الأوروبي (RGPD / GDPR) على اللاعبين اللي ساكنين ف أوروبا.

• الحساب: الإيميل، السمية ديال المستخدم (username)، السمية اللي كتبان للناس، الصورة اللي اخترتي من الصور ديال اللعبة، والمدينة والتعريف إلى عمرتيهم. كلمة السر كتتسجل مشفرة (hash) وحتى واحد ما يقدر يقراها، حتى حنا.
• الدخول بـ Google ولا Facebook ولا GitHub: كناخدو غير السمية، الإيميل والمعرّف ديال الحساب اللي كيعطينا الموقع ديالهم. ما كنوصلوش لكلمة السر ديالك تما.
• اللعب كضيف: بلا حساب، كنعطيوك معرّف عشوائي محفوظ ف كوكي ف الجهاز ديالك، مع السمية والصورة اللي اخترتي.
• اللعب: الطروحا اللي لعبتي، الورقات والنتيجة، الترتيب (Elo)، الإحصائيات، التحديات، الميساجات ف الشات ديال الطابلة، والقلوب والتعليقات اللي كتصيفط ف المباشر.
• معطيات تقنية: عنوان IP، نوع المتصفح ولا الجهاز، ووقت الطلبات. كنستعملوهم للأمان، باش نوقفو الغش والسبام، وباش يخدم الموقع مزيان.
• التطبيق: رمز الإشعارات (Firebase Cloud Messaging) إلى قبلتي الإشعارات، ونوع الجهاز (أندرويد ولا iOS). مكتبة الإعلانات ديال Google ف التطبيق تقدر تستعمل المعرّف الإعلاني ديال الجهاز (شوف الفقرة 4).
• التفضيلات: شكل الطابلة والكارطة والصوت. كيتسجلو ف الجهاز ديالك، ولا ف الحساب إلى كنتي داخل.
• التواصل: السمية، الإيميل والميساج اللي كتصيفط لينا من صفحة التواصل.

ما كنطلبوش منك لا رقم التيليفون، لا العنوان، لا البطاقة البنكية، وما كاينش فلوس حقيقية ف اللعبة.

• باش نخدمو اللعبة: نفتحو الحساب، ندخلوك، نجمعوك مع لاعبين أخرين، نحسبو النقط والترتيب ونبينو البروفيل ديالك.
• باش نحميو اللاعبين: نوقفو الغش، السبام، السب والحسابات المزورة، ونطبقو شروط الاستعمال.
• باش نصيفطو ليك الإشعارات اللي قبلتي (تحدي، دعوة لبيت، طلب ديال العاودة).
• باش نجاوبوك منين تصيفط لينا ميساج.
• باش نبينو إعلانات كتخلي اللعبة مجانية (شوف الفقرة 4).
• باش نحسنو اللعبة ونصلحو المشاكل التقنية.

الأساس القانوني: تنفيذ الخدمة اللي طلبتي (الحساب واللعب)، المصلحة المشروعة ديالنا (الأمان وتحسين اللعبة)، الموافقة ديالك (الإشعارات والإعلانات المخصصة فين كيطلبها القانون)، والالتزامات القانونية.

ف الموقع: كنستعملو Google AdSense باش نبينو إعلانات. الشركات الأخرى، بما فيهم Google، كتستعمل الكوكيز باش تبين إعلانات على حساب الزيارات اللي درتي قبل لهاد الموقع ولا لمواقع أخرى. الكوكيز الإعلانية ديال Google كتخليها هي والشركاء ديالها يبينو ليك إعلانات على حساب الزيارات ديالك لروندا ولمواقع أخرى ف الأنترنيت.

• تقدر توقف الإعلانات المخصصة من إعدادات الإعلانات ديال Google.
• تقدر توقف الكوكيز ديال شركات إعلانية أخرى من aboutads.info/choices ولا youronlinechoices.eu.
• كيفاش Google كتستعمل المعطيات ف المواقع اللي كتستعمل الخدمات ديالها: policies.google.com/technologies/partner-sites.

ف التطبيق: كنستعملو Google AdMob. إلى كنتي ف أوروبا ولا بريطانيا ولا بلاصة أخرى كيطلب فيها القانون الموافقة، التطبيق كيسولك قبل ما يطلب أي إعلان، وتقدر تبدل الجواب ديالك ف أي وقت من الإعدادات ← الخصوصية. تقدر حتى تمسح ولا تبدل المعرّف الإعلاني من الإعدادات ديال التيليفون.

العروض: بعض المرات كنبينو عروض ديال شركاء. منين كتكليكي عليها كتمشي لموقع آخر عندو السياسة ديالو. حنا كنحسبو غير شحال من كليك وقع، بلا ما نربطوه بالحساب ديالك.

الإعلانات ديما مكتوب عليها «إعلان» باش ما تختلطش مع اللعبة. كتر على الكوكيز ف صفحة الكوكيز.

ما كنبيعوش المعطيات ديالك، وما كنكريوهاش لحتى واحد. كنتشاركوها غير مع:

• اللاعبين الأخرين: السمية، الصورة، المدينة، التعريف، الترتيب، الإحصائيات والطروحا كيبانو ف البروفيل العمومي، ف الترتيب وف المباشر. الشات كيبان لللي معاك ف الطابلة. الإيميل ديالك ما كيبان لحتى واحد.
• الشركات اللي كتعاونا نخدمو الخدمة: الاستضافة (Vercel)، قاعدة البيانات (MongoDB Atlas)، الإشعارات (Google Firebase)، الإعلانات (Google AdSense / AdMob)، والدخول بحسابات (Google, Facebook, GitHub). كل وحدة كتوصل غير لداكشي اللي خاصها باش تخدم.
• السلطات، غير إلى طلبها القانون ولا باش نحميو الحقوق والأمان ديال اللاعبين.

السيرفرات ديال هاد الشركات تقدر تكون برا المغرب (ف أوروبا ولا ف أمريكا). كنختارو شركات كتحمي المعطيات بضمانات معروفة.

• الحساب والبروفيل والإحصائيات: حتى تمسح الحساب.
• الضيف: الكوكي ديال الضيف كتبقى حتى 30 يوم.
• الشات ديال الطابلة: كنحتافظو غير بآخر الميساجات ديال كل طرح.
• الميساجات ديال التواصل: على قد ما خاصنا باش نجاوبوك، وماشي كثر من 12 شهر.
• رمز الإشعارات: كيتمسح منين تخرج، تمسح الحساب، ولا Firebase تقول بلي ما بقاش خدام.
• المعطيات التقنية ديال الأمان: مدة قصيرة، غير على قد الحاجة.

منين كتمسح الحساب، كيتمسح معاه البروفيل، الإحصائيات، التاريخ، الجلسات، طرق الدخول والإشعارات. الطروحا اللي لعبتي مع ناس أخرين تقدر تبقى ف التاريخ ديالهم بالسمية اللي كانت عندك ف داك الوقت، بلا ما تبقى مربوطة بحتى حساب.

عندك الحق تعرف شنو عندنا عليك، تصححو، تمسحو، تعارض على شي استعمال، ولا تسحب الموافقة ديالك ف أي وقت:

• تبدل السمية، الصورة، المدينة والتعريف من البروفيل ديالك.
• تمسح الحساب بوحدك من صفحة مسح الحساب ولا من البروفيل ف التطبيق.
• توقف الإشعارات من الإعدادات ديال التيليفون، والإعلانات المخصصة كيفما شرحنا ف الفقرة 4.
• لكل طلب آخر (نسخة من المعطيات ديالك مثلا): من صفحة التواصل.

كنجاوبو ف أقل من 30 يوم. إلى ما عجبكش الجواب، عندك الحق تشكي للجنة الوطنية لمراقبة حماية المعطيات ذات الطابع الشخصي (CNDP) ف المغرب، ولا للسلطة ديال الحماية ف البلاد ديالك.

روندا ماشي موجهة للدراري اللي عندهم أقل من 13 عام (ولا السن اللي كيطلبو القانون ف البلاد ديالهم)، وما كنجمعوش المعطيات ديالهم عن قصد. إلى كنتي والد وعرفتي بلي ولدك عطانا شي معطيات، تواصل معانا ونمسحوها.

الاتصال ديما مشفر (HTTPS)، كلمات السر مشفرة، الكوكيز ديال الدخول ما يقدرش يقراها حتى سكريبت، والوصول للإدارة محدود ومسجل. حتى نظام ما مضمون مية ف المية، ولكن كنديرو جهدنا باش نحميو المعطيات ديالك.

إلى بدلنا شي حاجة مهمة، غادي نكتبو التاريخ الجديد الفوق ونعلمو ف الموقع ولا ف التطبيق. إلى بقيتي كتلعب من بعد التبديل، راك موافق على النسخة الجديدة.

أي سؤال على الخصوصية: من صفحة التواصل.