السوطة

القواعد

• من 3 حتى 6 ديال اللاعبين.
• كنحيدو 3 ديال الصوطات ونخليو وحدة، وكيتفرق الورق كامل.
• اللي جات عندو ربعة من نفس الرقم كيرميها، ف البداية ولا من بعد.
• اللي كيبدا كيحط من 1 حتى 3 ديال الورق مقلوبين وكيقول الرقم. الباقين كيحطو على نفس الرقم، واللي ما عندوش كيكذب.
• تقدر تقول "كذاب!" على اللي لعب قبل منك: إلا كذب كيهز الورق كامل اللي ف الطابلة، وإلا كان صادق كتهزو نتا. اللي ربح كيبدا من جديد برقم جديد.
• اللي سالا ورقو كيخرج. اللي بقات ليه الصوطة ف اللخر هو اللي خسر.